لو هتلف الدنيا بحاله
لو هتجيبلك دنيا بدلها
لو تشحت منها وتسألها
ما تلاقى واحد زيى يحبك
ايوه انت صحيح عنى بعيد
بس اكيد نارك بتزيد
ودموعك بتجيب فى جديد
و أزاى ربى فى يوم هيسيبلك
كل يومين هتدوق فى عذاب
ودواه مش موجود فى كتاب
لو بتدور على اسباب
مش راح أقولك أسأل ربك
هتشوف اشكال على الوان
بس ازاى هتلاقى حنان
وانت سقيت قلبى الاحزان
وانا كان همى افرح قلبك
لو هتدور فى العشاق
على عاشق يديك اشواق
ما أنا قلبى كان ليك مشتاق
ويا ريته وقتها كان عاجبك
صدقنى هترجع ندمان
تطلب عطفى مع الاحسان
بس انا بقى مش زى زمان
إرجع دور على اللى يناسبك
هناك تعليق واحد:
مصرى
دي حلوة بس اللى قبليها كانت اجمل
وانا بقى لى شهر أدخل أشوف فى جديد ولا لأ مالقيش
انت عملت المدونة ونسيتها ولا هى عشان ببلاش يعنى
إرسال تعليق